BAKI, 10 sentyabr. TELEQRAF
ABŞ Prezidenti Donald Trampla görüşü səbirsizliklə gözləyirəm.
Teleqraf xəbər verir ki, bunu Hindistanın Baş naziri Narendra Modi bildirib.
Onun sözlərinə görə, Hindistan və ABŞ - yaxın dostlar və təbii müttəfiqlərdir.
“Komandalarımız bu müzakirələri (ticarət danışıqlarını - red.) mümkün qədər tez başa çatdırmaq üçün çalışırlar. Mən həmçinin Prezident Trampla görüşü səbirsizliklə gözləyirəm. Biz xalqlarımız üçün daha parlaq və firavan gələcəyi təmin etmək naminə birlikdə çalışacağıq", - Modi “X” sosial şəbəkəsində yazıb.
Baş nazir iki ölkə arasındakı ticarət danışıqlarının Hindistan-ABŞ tərəfdaşlığının sonsuz potensialını açacağına əminliyini ifadə edib.
