Polşa, Rusiya pilotsuz uçan təyyarələrinin hava məkanını pozmasından sonra NATO ilə koordinasiyalı şəkildə cavab verib.
News365.az-ın məlumatına görə, bu, müharibə başlayandan bəri Polşanın birbaşa hədəfləri vurduğu ilk əməliyyat olub. Dörd hava limanı müvəqqəti bağlanıb, o cümlədən Ukraynaya sərnişin və silah daşınan Rzeşov-Yasionka limanı.
ABŞ Federal Aviasiya Administrasiyası, Varşavada yerləşən hava limanları daxil olmaqla, təhlükəsizlik səbəbi ilə hava limanlarının bağlandığını açıqlayıb.
Senator Dik Durbin, Rusiyanın NATO hava məkanını pozmasının "Putinin alyansın qətiyyətini sınağa çəkməsi" olduğunu bildirib. Joe Wilson isə Rusiyanın Polşaya hücumunu "müharibə elanına" bənzətdiyini deyib və ABŞ-ı daha sərt sanksiyalar tətbiq etməyə çağırıb.
Polşa, Belarusla sərhədini sabah gecə yarısından bağlamaq qərarına gəlib. Bu, Rusiya və Belarusun "Zapad" hərbi təlimləri ilə əlaqədardır.
