Oktyabrın 18-də ölkə boyu ABŞ prezidenti Donald Trampın siyasətinə qarşı nümayişlər keçiriləcək.
Bakıvaxtı.az "USA Today"ə istinadən xəbər verir ki, bu barədə "No Kings" aksiyasının təşkilatçıları məlumat yayıb.
Məlumata görə, aksiyada ən azı 5 milyon insanın iştirakı gözlənilir.
“Oktyabrın 18-də milyonlarla insan yenidən dünyaya nümayiş etdirəcək ki, Amerikanın kralları yoxdur, hakimiyyət xalqındır”, - aksiya təşkilatçıları vurğulayıb.
Qeyd edək ki, "No Kings" kütləvi etirazları ilk dəfə ABŞ-də iyunun 14-də, Trampın ad günündə və Vaşinqtonda hərbi paradın keçirildiyi gün baş tutub. Amerika şəhərlərində ən azı 2100 nümayiş keçirilib.
Gülşən Şərif
