ain.az bildirir, Qaynarinfo portalına istinadən.
Bakıda avtomobilində yüksək səslə musiqi dinləyən sürücü həbs edilib.
Qaynarinfo-nun məlumatına görə, hadisə Səbail rayonu, Zərifə Əliyeva küçəsində baş verib.
Belə ki, "Chevrolet" markalı, 90-YS-940 dövlət qeydiyyat nişanlı avtomobilin sürücüsü, 2001-cı ildə Tərtər rayonunda anadan olan B.H. idarə etdiyi avtomobildə yüksək səslə musiqiyə qulaq asdığı üçün Dövlət Yol Polisi (DYP) əməkdaşları tərəfindən saxlanılıb.
Belə ki, sürücü gecə saat 21:00 radələrində yol polisi əməkdaşları ilə mübahisə edib, yüksək səslə səs-küy salaraq, onlara qarşı aqressiv hərəkətlər edib və polisin qanuni tələbinə qəsdən tabe olmamağa cəhd göstərib.
Məhkəmənin hökmü ilə B.H. İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanın törədilməsində təqsirli bilinib və 4 gün müddətinə inzibati qaydada həbs olunub.
Aydın
Ən son xəbərləri və yenilikləri almaq üçün ain.az saytını izləyin.
