BAKI, 11 sentyabr. TELEQRAF
Telefon dələduzu potensial qurbanına azı 17600 dəfə zəng etməyə çalışıb.
Teleqraf xəbər verir ki, mobil operatorun Dağıstandan olan abunəçisinə dələduz hər dəqiqə orta hesabla 36 dəfə zəng edib.
Ümumilikdə abonentin telefonuna səkkiz saat ərzində 17635 dəfə zəng gəlib.
Bununla belə, abunəçi ona qarşı olan təhlükədən xəbər tutmayıb.
Operator şirkətdən bildirilib ki, cari ilin yanvar-avqust aylarında şirkətin anti-frod sistemi 2,2 milyarddan çox spam zəngini və təxminən 560 milyon dələduzluq zəngini bloklayıb.
Statistikaya görə, telefon dələduzlarının hədəfi əsasən yaşlı insanlar olur.
