ain.az, Qafqazinfo portalına istinadən məlumat verir.
Azərbaycan Universitetinin rektoru, filologiya üzrə fəlsəfə doktoru Səadət Əliyeva ABŞ-nin Azərbaycandakı Səfirliyində keçirilən rəsmi qəbulda iştirak edib.
“Qafqazinfo” xəbər verir ki, tədbir ABŞ səfirliyinin yeni İctimaiyyətlə əlaqələr üzrə müşaviri Michael Hackett və onun müavini Anthony Dean Franchinanı qarşılamaq məqsədilə təşkil olunub.
Tədbir çərçivəsində Azərbaycan Universiteti ilə ABŞ səfirliyi arasında davam edən əməkdaşlıq məsələləri müzakirə olunub, xüsusilə təhsil sahəsində gələcək planlara toxunulub.
Görüşdə universitetin Beynəlxalq əlaqələr şöbəsinin müdiri Elmira İsmayılova da iştirak edib.
Qeyd edək ki, 2025/2026-cı tədris ili ərzində Azərbaycan Universiteti Fulbright İngilis Dili Tədrisi üzrə Assistent (ETA) proqramı çərçivəsində ölkəyə gələn üç müəllimdən birini qəbul edəcək. Bu proqram və proqram çərçivəsində qurulan əməkdaşlıqlar həm universitetin qlobal əlaqələrini gücləndirir, həm də tələbələr üçün beynəlxalq təcrübə və dil bacarıqlarının inkişafı baxımından böyük imkanlar yaradaraq yeni perspektivlər açır.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
