31 dekabr 2024-cü il tarixinə olan məlumata görə, Azərbaycanda dövlət qeydiyyatında olmuş 1 milyon 585 min 265 ədəd minik avtomobillərinin 15,6%-nin və ya 247 min 202 ədədinin yaşı 10 ilədəkdir. O cümlədən 101 min 808 ədəd minik avtomobilinin yaşı 5 ilədək, 145 min 394 ədəd minik avtomobilinin yaşı 5-ildən 10 ilədəkdir.
Marja.az-ın Dövlət Statistika Komitəsinin məlumatları əsasında apardığı hesablamalara görə, Azərbaycanın minik avtomobilləri parkının 84,4%-nin və ya 1 milyon 338 min 63 ədədinin yaşı 10 il və daha yüksəkdir. O cümlədən, minik avtomobillərinin 636 min 821 ədədinin və ya 40,2%-nin yaşı 10 ildən 20 ilədək, 701 min 242 ədədinin və ya 44,2%-nin yaşı isə 20 il və daha yuxarıdır.
