Paris prokurorluğu ötən gün Fransanın bir neçə şəhərində məscidlərə donuz başlarının atılması ilə bağlı araşdırmanın ilkin nəticələrini paylaşıb.
Gundem.az xəbər verir ki, bununla bağlı məlumatı "Le Figaro" qəzeti yayıb.
Fransa prokurorluğu donuz başlarının ölkədə iğtişaşlar törətməyi planlaşdıran xarici ölkə vətəndaşları tərəfindən məscidlərə atıldığını bildirib.
Müstəntiqlərin danışdırdığı normandiyalı fermer deyib ki, iki naməlum şəxs ondan 10 ədəd donuz başı alıb və serb nömrə nişanlı maşınla aparıb. /Publika.az
