Türkiyədə koronavirusa yoluxma halları artıb.
Far.Az xəbər verir ki, bu barədə EKOL TV-yə həkim professor Muhammed Emin Akkoyunlu bildirib.
Onhun sözlərinə görə, virusa yoluxma hallarında son bir ayda canlanma müşahidə edilir.
"Son bir aydır xəstəxanamızda COVID-19-a yoluxanların sayının artdığını müşahidə edirik. Müraciət edən vətəndaşlar qripə yoluxduqlarını bildirirlər. Lakin sonradan bunun koronavirus olduğu müəyyən edilir. Yüngül simptomlarla gələnlərlə yanaşı həyatı üçün təhlükə yaranan xəstələrimiz də olub. Biz onları reanimasiyaya yerləşdirmişik".
