Trampın "Sülh" mükafatı əldə etmək cəhdləri növbəti dəfə boşa çıxır...
Poliqon xəbər verir ki, ABŞ prezidenti Donald Trampın aşkar şəkildə arzuladığı Nobel Sülh Mükafatı ondan uzaqlaşır. Politico nəşrinin köşə yazarı Ceymi Dettmerin fikrincə, Trampın bu mükafata layiq görülməsi üçün ən çox kömək edə biləcək iki şəxs — İsrailin baş naziri Benyamin Netanyahu və Rusiyanın prezidenti Vladimir Putin — bu istəyin reallaşmasına inadla mane olurlar.
Hər iki lider öz siyasi maraqlarına uyğun olaraq, hazırda dünyada ən qanlı müharibələrdən olan Yaxın Şərq və Ukrayna münaqişələrinə son qoymaqdan imtina edirlər. Dettmerin təbirincə, Netanyahu və Putin əslində ABŞ prezidentinə "pulumuzu cibimizə qoyuruq" deyirlər.
Məqalədə qeyd olunur ki, onlar öz yollarını davam etdirərək, Trampı ya öz düşüncələrinə çəkəcəklərinə, ya da onun “TACO” (Trump Always Chickens Out — Tramp həmişə qorxaqdır) prezidenti olaraq qalacağına əmindirlər. Bu ifadə ilə vurğulanır ki, Tramp münaqişələri həll etmək əvəzinə, hərbi əməliyyatların davam etməsinə göz yumur. Mətndə həmçinin İsrailin Qəzza zolağındakı əməliyyatları və Rusiyanın Ukraynaya qarşı apardığı müharibənin hər iki liderin daxili siyasətdəki mövqeyini möhkəmləndirdiyi bildirilir. Buna görə də, münaqişələrin davam etməsi onlara sərf edir.
Məqalənin sonu Trampın siyasi mövqeyinin ikitərəfli münasibətlərdə zəiflədiyini, onun xarici siyasət strategiyasının gözlənilən nəticəni vermədiyini və sülh mükafatı kimi böyük bir hədəfin reallaşmasının qarşısında ciddi maneələrin olduğunu göstərir.
Poliqon.info
