ain.az, Moderator.az portalına istinadən məlumat yayır.
"Əgər onun yenidən seçim imkanı olsaydı, diz üstə yaşamaq yerinə ayaq üstə ölməyi seçərdi..."
Amerikalı gənc konservativ fəal Çarli Kirk yalnız 31 yaşında həyatını itirdi. Onun qətli sadəcə şəxsi düşmənçilik deyildi, bu hadisənin aydın şəkildə siyasi məna daşıdığına şübhə yoxdur.
Moderator.az xəbər verir ki, bu barədə "Washington Examiner" nəşri yazıb.
Sıfırdan yüksələn gənc
Nəşr yazır ki, Kirk həm Donald Trampın ən yaxın müşavirlərindən biri, həm də milyonlarla gənci arxasınca apara bilən parlaq lider idi. Kirk universiteti bitirməmişdi, amma cəmi on il ərzində ABŞ-ın tələbə kampuslarını dəyişdi. Onun yaratdığı "Turning Point USA" ölkənin ən böyük gənclər təşkilatına çevrildi və bir nəsil üçün güclü siyasi mərkəz oldu.
Çarli Trampı yenidən Ağ Evə qaytaranda artıq ölkədə söz sahibi olan məsləhətçilərdən idi. O qədər tanınmışdı ki, bir ay əvvəl "South Park" onu satira hədəfinə çevirmişdi və izləyicilər izaha ehtiyac duymadan onu dərhal tanımışdı. Kirk daim ölkəni gəzirdi, tələbələrlə görüşürdü, mübahisə edirdi, ruhlandırırdı. Elə bu yolda Yuta Vadisi Universitetində güllələnərək həyatına son qoyuldu.
Siyasi birlik və ağır itki
Donald Trampdan tutmuş Kaliforniya qubernatoru Qevin Nyusoma, keçmiş vitse-prezident Kamala Harrisə qədər həm respublikaçılar, həm də demokratlar bu siyasi qətli sərt şəkildə qınadılar. Gənc həyat yoldaşı dul qaldı, üç yaşlı qızı və bir yaşlı oğlu atasız böyüyəcək. Onun qurduğu yüzlərlə iş yeri və milyonlarla tərəfdarı isə bu itkini dərin hüznlə yaşayacaq.
Qorxunc istehza
Kirk son aylarında məhz siyasi zorakılığın artmasından danışır, cəmiyyəti xəbərdar edirdi. Apreldə paylaşdığı bir araşdırmada göstərilirdi ki, özünü sol-mərkəzçi hesab edən amerikalıların yarısı İlon Maskın öldürülməsini "qismən haqlı" sayır, çoxu isə Donald Trampın öldürülməsini "bir növ əsaslı" görürdü.
Ötən həftəni isə ukraynalı İrina Zarutskayanın qətli barədə çıxışlara həsr etmişdi. Kirk Trampı və konservativ dəyərləri təbliğ etsə də, daha çox bir məhəbbəti vardı, bu da İsa Məsihə olan sevgisi idi. O, ən çox da "ən tənha nəsil" hesab edilən amerikalı zummerlərə çatmaq istəyirdi.
Qalib gəlmiş, amma hədəfə çevrilmiş insan
Çarli həyatda yüyürərək irəliləyirdi: yüz milyard dollarlıq təşkilat qurdu, iki dəfə Trampın seçki qələbəsinə töhfə verdi, milyonlarla gənci ilhamlandırdı, öz ailəsini yaratdı. Onun arqumentlərində çatışmazlıqlar ola bilərdi, amma bir şey danılmazdır:
Kirk cəmiyyətin qəlbində gedən müharibədə qəti qələbə qazanmışdı. Məhz buna görə də hədəfə çevrildi. Hələlik qatilin kimliyi bəlli deyil, amma aydındır ki, o, Çarlinin davamlı təsirindən qorxmuşdu. Kirk çox uğurlu idi və bu uğur onun sonunu gətirdi.
Yaddaş və ilham
Biz hamımız dua edirik ki, Çarli Məsihin yanında əbədi rahatlıq tapsın. Məncə, əgər onun yenidən seçim imkanı olsaydı, diz üstə yaşamaq yerinə ayaq üstə ölməyi seçərdi. Qoy onun bu igid nümunəsi bizə güc versin, qoy onun qurbanı boşuna olmasın.
Daha ətraflı məlumat və yeniliklər üçün ain.az saytını izləyin.
