Böyük Britaniyanın “BAE Systems” və Kanadanın “Cellula Robotics” şirkətləri hərbi məqsədlər üçün xüsusi hazırlanmış yeni avtonom sualtı qayıq “Herne” üzərində işi davam etdirmək üçün 10 illik müqavilə imzalayıb.
“Poliqon” “BAE Systems”ə istinadən xəbər verir ki, 2026-cı ilin sonuna qədər “Herne”nin müştərilər üçün bazara hazır versiyası təqdim ediləcək.
“Herne” avtonom sualtı qayığı ordular üçün müxtəlif tapşırıqları icra edə bilən, sərfəli bir variant kimi konfiqurasiya olunub. O, sualtı qayıqlara qarşı müharibə əməliyyatlarını dəstəkləyə, gizli müşahidə missiyalarını həyata keçirə, həmçinin dəniz dibindəki geniş infrastruktur obyektlərini izləyə və qorumağa kömək edə bilər.
Təchizat və ya əlavə təminat sistemlərinə ehtiyac duymadan “Herne” həm idarə olunan platformalarla birlikdə, həm də müstəqil şəkildə fəaliyyət göstərə bilər. Bu isə ənənəvi sualtı qayıqlarla müqayisədə daha uzunmüddətli, genişmiqyaslı və qat-qat ucuz avtonom sualtı qayıq təmin edir.
#gallery-1 {
margin: auto;
}
#gallery-1 .gallery-item {
float: left;
margin-top: 10px;
text-align: center;
width: 100%;
}
#gallery-1 img {
border: 2px solid #cfcfcf;
}
#gallery-1 .gallery-caption {
margin-left: 0;
}
/* see gallery_shortcode() in wp-includes/media.php */
