İllik qrip peyvəndi sinir sistemini qoruyur və problem riskini azaldır
Qripə qarşı peyvənd sinir sistemi xəstəliklərinin, o cümlədən Alzheimer xəstəliyinin bəzi növlərinin inkişaf riskini azalda bilər.
“İki sahil” xəbər verir ki, bu barədə TASS-a Sankt-Peterburq Səhiyyə Komitəsinin uşaq immunoprofilaktikası üzrə baş mütəxəssisi Susanna Xarit məlumat verib.
Son illərdə aparılan tədqiqatlar göstərib ki, hər il qripə qarşı peyvənd olunan insanlarda Alzheiymer xəstəliyinə tutulma ehtimalı 40% azdır. Mütəxəssislər bunu onunla izah edirlər ki, qrip virusu sinir sisteminə təsir edə biləcək xroniki iltihaba səbəb olur və peyvənd bu prosesin qarşısını alır.
Bundan əlavə, artıq sübut olunub ki, qripə qarşı peyvəndlər infarkt və insult riskini azaldır. İmmunoloji əlaqələrin aşkar edildiyi 1-ci tip diabetin qarşısının alınmasında peyvəndin təsirini araşdıran bütün dünyada bir araşdırma da aparılır.
Xarit peyvəndin xüsusilə hamilə qadınlar üçün vacib olduğunu vurğulayıb.
Xroniki xəstəlikləri olan insanlar üçün də peyvənd lazımdır. Peyvənd ürək xəstəlikləri, tənəffüs yolları xəstəlikləri və şəkərli diabet xəstələrinin ağırlaşma riskini azaltmağa kömək edir.
