BAKI, 12 sentyabr. TELEQRAF
Türkmənistanın Tikinti və Memarlıq Nazirliyi Azərbaycan Respublikasının Füzuli şəhərində məscidin layihələndirilməsi və tikintisi üçün tender elan edib.
Teleqraf xəbər verir ki, bu barədə “Türkmənistan” qəzeti məlumat yayıb.
Maraqlı şəxslərin sorğu və təklifləri Tikinti və Memarlıq Nazirliyinin müvafiq şöbəsində müəyyən edilmiş qaydada qəbul edilərək rəsmiləşdiriləcək.
Müraciət və təkliflər 22 sentyabr 2025-ci il tarixinədək qəbul olunacaq.
