Qafqazinfo saytından alınan məlumata görə, ain.az bildirir.
ABŞ Federal Təhqiqatlar Bürosu (FTB) siyasətçi Çarli Kirkin qətlə yetirilməsində şübhəli bilinən şəxsin fotosunu yayıb.
“Qafqazinfo” xəbər verir ki, həmin şəxsin görüntülərini FTB-nin Yuta ştatı üzrə bölməsi “X” hesabında paylaşıb.
Məlumatda ictimaiyyətdən həmin şəxsin kimliyinin müəyyən edilməsi üçün yardım istənilib.
Bununla yanaşı, FTB Kirkin qətlə yetirilməsində iştirak edənlərin şəxsiyyətini təyin etməyə yardım edəcək məlumatlar üçün 100 min dollar həcmində mükafat təklif edib.
Xatırladaq ki, amerikalı siyasi fəal və ABŞ Prezidenti Donald Trampın tərəfdarı Çarli Kirk dünən Yuta Universitetində çıxışı zamanı güllələnib. Snayperlə boynundan güllələnən Kirk xəstəxanaya çatdırılsa da, onun həyatını xilas etmək mümkün olmayıb. Hadisə yerinin yaxınlığında meşəlik ərazidə tüfəng aşkarlanıb və silahın atışmada istifadə edildiyi ehtimal edilir.
Hadisənin gedişatını izləmək üçün ain.az saytında ən son yeniliklərə baxın.
