Almaniyanın “Bavariya” klubu doğma stadionu “Arena Münhen”in qarşısında Münhen klubunun və Almaniya millisinin əfsanəvi müdafiəçisi Frans Bekkenbauerə heykəl qoyub.
Yeniavaz.com xəbər verir ki, bu barədə klub rəsmi saytında məlumat yayıb.
“Tuncdan tökülmüş bu abidə “Bavariya”nın DNT-sinin bir hissəsidir. O, Bekkenbaueri və onun təcəssüm etdirdiyi hər şeyi simvollaşdırır: üslub, xarakter və “Bavariya”. Münhen burada bir abidədən daha çox şey əldə edir - Bu, şəhərin öz əksidir: qürurlu, inamlı, zərif və sadə”, - məlumatda bildirilib.
Qeyd edək ki, Bekkenbauer milli komanda ilə Dünya Kuboku və Avropa Çempionatının qalibi olub. “Bavariya”da isə o, 3 avrokubok da daxil olmaqla 13 kubok qazanıb.
