Rusiyanın Ukraynanın şərqini tezliklə ələ keçirilməsi ilə bağlı bütün bəyanatları uydurmadır.
Musavat.com "RBC-Ukrayna"ya istinadən xəbər verir ki, bunu Ukrayna prezidenti Volodimir Zelenski Viktor Pinçuk Fondunun təşkil etdiyi YES 2025 İllik Konfransı zamanı qeyd edib.
Onun sözlərinə görə, rusların bütün böyük hücumları qarşıya qoyulan məqsədlərə nail olmadan başa çatır və bunu dezinformasiya axını ilə kompensasiya edirlər.
Zelenski etiraf edib ki, düşmənin say üstünlüyü, pilotsuz uçuş aparatları və yeni texnologiyaların istifadəsi səbəbindən döyüş meydanında vəziyyət çətinləşib. Eyni zamanda o vurğulayıb ki, baxmayaraq ki, onların sayı döyüş meydanında Ukrayna tərəfindən çoxdur, Kiyev cəbhəyə nəzarət edir və işğalçılara qarşıya qoyulan məqsədlərə nail olmağa imkan vermir:
"Ruslar dezinformasiya kampaniyasını döyüş meydanından qat-qat yaxşı gücləndirməyə çox çalışırlar. Amma əminəm ki, onlar şərqdə uğursuzluğa düçar olduqlarını anlayaraq şərqlə bağlı bu qədər yalan məlumatdan istifadə edirlər. Düşünürəm ki, yaxın bir-iki gün ərzində biz tamamilə fərqli məlumatlar eşidəcəyik. Qoy bizim hərbi komandanlıq buna münasibət bildirsin".
Volodimir Zelenski qeyd edib ki, Moskva informasiya təzyiqinə arxalanır, çünki onun hücumları cəbhədə uğursuzluğa düçar olur. Prezidentin sözlərinə görə, Sumı, Novopavlovsk və Pokrovsk istiqamətlərində irəliləmək cəhdləri düşmən üçün uğursuzluqla başa çatıb. Son iki ayda bütün hücumlar Ukrayna hərbçiləri tərəfindən dayandırılıb və məğlub edilib.
Dövlət başçısı Rusiyanın guya 3 ay ərzində Ukraynanın şərqini ələ keçirməyə qadir olduğu haqda deyilənlərə də münasibət bildirib:
"Ağ Evdə eşitdiklərim - onların necə irəlilədikləri və 3 aydan sonra ölkəmizin şərqini işğal edəcəkləri - yalandır. İllər sonra da bunu edə bilməyəcəklər. Amma heç kim illərlə döyüşmək istəmir".
Musavat.com
