“Football-plus.az” bəzi iddialı klublarla əlaqə saxlayıb, konkret hədəflərini öyrənib.
Rəşad Məmmədov, “Səbail”in mətbuat katibi:
“Əsas hədəf çempion olmaq, premyer-liqaya qayıtmaqdı. Amma məğlubiyyətsiz çempion olmaq kimi hədəf qoydu”.
Araz Əhmədov, “Baku Sportinq”in meneceri:
“Hədəfimiz çempionatın startından aslı olacaq. Hədəfimiz hər oyunda qalib gəlmək, yüksək yerlər uğrunda oynamaqdı - ən azı dekabra qədər. Ondan sonra da vəziyyətə baxacağıq. Komanda yaxşıdı, mövsümə yaxşı hazırlaşıb”.
Elgiz Kərəmli, “Şəfa”nın baş məşqçisi,:
“Bəli, yaxşı heyət formalaşdırmışıq. Həm gənc, həm də təcrübəli futbolçulardan ibarət heyətimiz var. Qəbələdə çox yaxşı toplanış keçimişik. Çempionata istədiyimiz kimi hazırlaşmışıq. Məqsədimiz çempionluqdu, ən pis halda 2-ci yeri tutub, pley-offdan elitaya yüksəlmək. Aşkar favorit olduğumuzu deyə bilmərəm, çünki digər komandalarda da premyer-liqa təcrübəsinə malik futbolçular var. 1-ci liqa ildən-ilə inkişaf edir. Bu mövsüm də güclü rəqabət olacaq”.
Rüstəm Məmmədov, “Zaqatala”nın baş məşqçisi:
“Durumumuz qənaətbəşdi. Tam hazır deyilik, çünki gec yığışdıq. Rəhbərlik qarşımıza konkret hədəf qoymayıb. Amma “Zaqatala”nın hədəfi minimum mükafatçılar sırasında yer almaqdı. Sponsor oldu-olmadı, hədəfimiz yüksək yerlərdi”.
MÜZƏFFƏR QULUZADƏ
