Ana südü körpələr üçün ən qiymətli qida mənbəyidir. Döş nasosu ilə süd saxlamaq istəyən analar üçün isə gigiyena və düzgün saxlanma qaydaları böyük əhəmiyyət daşıyır.
E-saglam.az xəbər verir ki, südün toplanması zamanı bəzi qaydalara ciddi şəkildə əməl edilməlidir. Bu qaydalar aşağıdakılardır:
Süd əl, mexaniki və ya elektron döş nasosu ilə sağıla bilər.
Toplanan süd təmiz şüşə qabda və ya BPA-sız sərt plastik şüşələrdə saxlanmalıdır. Süd saxlama torbaları da istifadə edilə bilər.
Birdəfəlik plastik torbalar və ya şüşə astarları istifadəyə uyğun deyil.
Hər qabda tarix və saat qeyd olunmalı, həkimə veriləcəksə uşağın adı yazılmalıdır.
Hər istifadədən sonra döş nasosu yaxşıca təmizlənməlidir.
Saxlama qaydaları:
Süd tam donduqdan sonra qabın qapağı sıx bağlanmalıdır. Donma zamanı genişlənmə üçün qabda boşluq qalmalıdır.
Süd 2–4 unsiyalıq kiçik porsiyalarda saxlanarsa, sonradan istifadəsi rahat olar.
Soyuducuda (40°F / 4°C və aşağıda): 3 günə qədər.
Dondurucuda (32°F / 0°C və aşağıda): 3–4 ay.
Dərin dondurucuda (0°F / –18°C və aşağıda): 6 ay və daha uzun.
Süd həmişə soyuducunun arxa tərəfində saxlanmalıdır, qapıda yox.
Əritmə və istifadə
Ən əvvəl ən qədim tarixli süd istifadə olunmalıdır.
Süd otaq temperaturunda və ya soyuq halda verilə bilər, qızdırmaq məcburi deyil.
Dondurulmuş süd isti axar su altında əridilə bilər.
Mikrodalğalı sobada qızdırmaq qadağandır – həm qida maddələrinə zərər verir, həm də isti nöqtələr yanıqlara səbəb ola bilər.
Südü silkələmək olmaz; yalnız yavaşca fırladaraq qarışdırmaq lazımdır.
Ərimiş süd 24 saat ərzində istifadə edilməlidir, otaq temperaturunda qalan süd isə maksimum 1 saata içirilməlidir.
Qidalanmadan sonra şüşədə qalan süd atılmalıdır, çünki bakteriyalar onun tərkibini dəyişdirə bilər.
Tərcümə: Nəzrin Abbas
E-saglam.az
