İsrail və ABŞ arasında müttəfiqlik heç vaxt indiki qədər güclü olmayıb.
Axar.az xəbər verir ki, bunu İsrail Baş naziri Benyamin Netanyahu ABŞ dövlət katibi Marko Rubio ilə görüşündə deyib.
“Düşünürəm ki, Marko Rubionun buraya səfəri İsrail-Amerika ittifaqının gücünə və qüdrətinə sübutdur. Rubio və onun bütün komandası sayəsində bu ittifaq heç vaxt bu qədər güclü olmayıb. Və biz bunu təkcə İsrail xalqı adından deyil, bizdən əvvəl gələn yəhudilərin nəsilləri adından dərindən qiymətləndiririk”, - Netanyahu bildirib.
Qeyd edək ki, ABŞ dövlət katibi Marko Rubio İsraildə səfərdədir.
