Füzuli rayonuna “Prezidentin izi ilə” ənənəvi media-tur təşkil olunub.TƏHSİL.BİZ APA-nın Qarabağ bürosuna istinadən xəbər verir ki, media nümayəndələri ilk növbədə rayonun Qaraxanbəyli kəndi ərazisində olublar.Bildirilib ki, ölkə rəhbəri tərəfindən təməli qoyulan kəndə Ermənistanın işğalı zamanı dağıdılmış Qaraxanbəyli və Merdinli kəndlərinin sakinləri yerləşdiriləcək. Layihə iki mərhələdə icra olunacaq:“2 məktəbin və 3 uşaq bağçasının inşası planlaşdırılır. Əhalinin və evlərin sayı kəndin 20 illik perspektiv inkişafı nəzərə alınmaqla müəyyən edilib”.
