“Mən niyə Azərbaycanın ərazi bütövlüyünü tanıdım? Ermənistanın ərazi bütövlüyünü tanımaq üçün.” – Vətəninfo.az xəbər verir ki, bunu Ermənistanın baş naziri Nikol Paşinyan İrəvanda təhlükəsizlik konfransında bəyan edib.
“Biz ardıcıl olaraq legitimliyə əsaslanan təhlükəsizlik strategiyasını həyata keçiririk. Məhz bu strategiya sülhü mümkün etdi,” – Paşinyan davam edib – “Uzun illərdir ki, Ermənistan təhlükəsizlik sistemini iki komponent – hərbi-siyasi ittifaqlar və ordu üzərində qurub. Lakin son illərin hadisələri, xüsusən də Azərbaycanla bir neçə münaqişə göstərdi ki, bu iki komponent işləmir”, – Ermənistanın baş naziri Nikol Paşinyanın “Hərtərəfli təhlükəsizlik və dayanıqlılıq – 2025” konfransındakı çıxışından.
