Füzuli və Xocavənd rayonları ərazisinə təşkil olunmuş “Prezidentin izi ilə” ənənəvi media tur başa çatdı

XOCAVƏND, 15 sentyabr. TELEQRAF

Füzuli və Xocavənd rayonları ərazisinə təşkil olunmuş “Prezidentin izi ilə” ənənəvi media tur başa çatıb.

Teleqraf-ın Qarabağ bürosunun xəbərinə görə, media nümayəndələri son olaraq Sos qəsəbəsində olublar.

Burada jurnalistlərə məlumat verilib ki, Sos kəndi 2023-cü ildə Silahlı Qüvvələrimizin həyata keçirdiyi antiterror əməliyyatı zamanı Azərbaycanın tam nəzarətinə keçib. İndiyədək kənddə mövcud elektrik və qaz xətləri, subartezian quyuları bərpa olunub, 2 transformator quraşdırılıb, sayğaclaşdırma prosesinə başlanılıb, 3 su anbarı təmir edilib, təqribən 5 kilometr uzunluğunda təbii qaz xətti çəkilib.

Həmçinin qeyd olunub ki, Sos kəndində 259 mövcud fərdi evin 70-i yararsız, 189-u isə qismən yararlıdır. Hazırda 10 ev istismara hazırdır. İlin sonunadək daha 75 ev istismara hazır olacaq. 2026-cı ildə isə 104 evin bərpası nəzərdə tutulur.

Qeyd edək ki, indiyədək 10 ailə (46 nəfər) sözügedən kəndə qayıdıb.