ABŞ prezidenti Donald Tramp sentyabrın 14-də jurnalistlərə açıqlamasında Ukraynaya qarşı müharibədə Rusiyanın təcavüzkar olduğunu etiraf edib. Bu barədə Politico məlumat yayıb.
Nəşrin yazdığına görə, Trampın bu bəyanatı onun Moskvaya qarşı mövqeyini sərtləşdirməsinin göstəricisi hesab olunur.
“Fox News” telekanalı Trampın jurnalistlərlə söhbətinin videosunu X sosial şəbəkəsində dərc edib. Görüntülərdə prezident müharibədə hər iki tərəfin itkilərini şərh edərkən Rusiyanı “təcavüzkar” adlandırır:
“Bu həftə hər iki tərəfdən 8 min əsgər öldü. Rusiya tərəfində daha çox ölüb, ancaq siz təcavüzkar olanda itkilər daha böyük olur”, – Tramp bildirib.
Politico xatırladır ki, Tramp indiyədək Moskvanı açıq şəkildə qınamaqdan çəkinib. Bu ilin fevralında o, G7-nin Rusiyanı “təcavüzkar” kimi göstərən bəyanatına qarşı çıxıb. Həmçinin Tramp administrasiyası BMT-də Ukraynanın ərazi bütövlüyünü dəstəkləyən və Rusiyanı pisləyən qətnaməni rədd edib. Apreldə isə prezident müharibədə günahı Ukraynanın üzərinə atıb.
Məqaləyə görə, Trampın mövqeyindəki dəyişiklik yayda Vladimir Putinin sülh təşəbbüslərini rədd etməsi ilə əlaqələndirilir. Jurnalistlərin iddiasına görə, Kreml rəhbəri Trampın Ukrayna prezidenti Vladimir Zelenski ilə birbaşa sülh danışıqları təşkil etmək cəhdlərinə mane olur.
Bununla yanaşı, Tramp tərəflər arasında vasitəçilik etmək məcburiyyətində qala biləcəyini də istisna etməyib:
“Zelenski və Putin bir-birlərinə o qədər nifrət edirlər ki, danışa bilmirlər”, – deyə o əlavə edib.
ABŞ prezidenti həmçinin Avropa ölkələrini Rusiyaya qarşı kifayət qədər təzyiq göstərməməkdə tənqid edib, xüsusilə də Moskvanın enerji resurslarının alınmasını vurğulayıb.
Xəbər 6 dəfə oxunub.
Nəşrin yazdığına görə, Trampın bu bəyanatı onun Moskvaya qarşı mövqeyini sərtləşdirməsinin göstəricisi hesab olunur.
“Fox News” telekanalı Trampın jurnalistlərlə söhbətinin videosunu X sosial şəbəkəsində dərc edib. Görüntülərdə prezident müharibədə hər iki tərəfin itkilərini şərh edərkən Rusiyanı “təcavüzkar” adlandırır:
“Bu həftə hər iki tərəfdən 8 min əsgər öldü. Rusiya tərəfində daha çox ölüb, ancaq siz təcavüzkar olanda itkilər daha böyük olur”, – Tramp bildirib.
Politico xatırladır ki, Tramp indiyədək Moskvanı açıq şəkildə qınamaqdan çəkinib. Bu ilin fevralında o, G7-nin Rusiyanı “təcavüzkar” kimi göstərən bəyanatına qarşı çıxıb. Həmçinin Tramp administrasiyası BMT-də Ukraynanın ərazi bütövlüyünü dəstəkləyən və Rusiyanı pisləyən qətnaməni rədd edib. Apreldə isə prezident müharibədə günahı Ukraynanın üzərinə atıb.
Məqaləyə görə, Trampın mövqeyindəki dəyişiklik yayda Vladimir Putinin sülh təşəbbüslərini rədd etməsi ilə əlaqələndirilir. Jurnalistlərin iddiasına görə, Kreml rəhbəri Trampın Ukrayna prezidenti Vladimir Zelenski ilə birbaşa sülh danışıqları təşkil etmək cəhdlərinə mane olur.
Bununla yanaşı, Tramp tərəflər arasında vasitəçilik etmək məcburiyyətində qala biləcəyini də istisna etməyib:
“Zelenski və Putin bir-birlərinə o qədər nifrət edirlər ki, danışa bilmirlər”, – deyə o əlavə edib.
ABŞ prezidenti həmçinin Avropa ölkələrini Rusiyaya qarşı kifayət qədər təzyiq göstərməməkdə tənqid edib, xüsusilə də Moskvanın enerji resurslarının alınmasını vurğulayıb.
Xəbər 6 dəfə oxunub.
