"Geniş ailə" serialının məşhur aktyoru Ufuk Özkan intihara cəhdi edib.
Kulis.az xəbər verir ki, yaxınlarının xəbərdarlığı və müdaxiləsi ilə xəstəxanaya çatdırılan Özkana dərhal müdaxilə edilib. Həkimlər aktyorun həyati təhlükəsinin olmadığını və vəziyyətinin yaxşıya doğru getdiyini açıqlayıblar.
Qeyd edək ki, 48 yaşlı aktyor son illərdə qaraciyər çatışmazlığı diaqnozu ilə müalicə alır.
O, həmçinin keçmiş həyat yoldaşı ilə yaşadığı aliment mübahisəsi zamanı “Kirayəmi belə çətinliklə ödəyirəm” sözləri ilə maddi sıxıntılar içində olduğunu açıqlamışdı.
