Bizimyol portalından alınan məlumata görə, ain.az xəbər verir.
Gürcüstan hakimiyyəti, xüsusən də ölkənin baş naziri İrakli Kobaxidzenin bəyanatlarını nəzərə alaraq, bərabər və sivil dialoqa getmək istəmədiklərini nümayiş etdirir.
Bizimyol.info xəbər verir ki, bunu mətbuata müsahibəsində "Cənubi Osetiya" Respublikasının prezidenti Alan Qaqloyev deyib.
Bundan əvvəl Kobaxidze bəyan edib ki, Gürcüstan "Abxaziya" və "Cənubi Osetiya" ilə güc tətbiq etməmək haqqında saziş imzalamağa hazır deyil, çünki respublika artıq ərazi bütövlüyünü bərpa etməyin yeganə yolunun sülhdən keçdiyini bəyan edib.
“Təəssüf ki, Tbilisinin "Cənubi Osetiya" və "Abxaziya"ya qarşı güc tətbiq etməmək barədə hüquqi qüvvəyə malik sənədi imzalamağa hazır olmasından danışmaq mümkün deyil. Gürcüstanın baş naziri İrakli Kobaxidzenin son bəyanatları açıq şəkildə göstərdi ki, Gürcüstan hakimiyyəti bərabərhüquqlu və sivil dialoq qurmağa meylli deyil. Üstəlik, Cenevrə müzakirələrinin əsas məqsədinin, yəni gücdən istifadə etməmək haqqında sazişin imzalanmasının “ciddi olmayan” bir şey olduğu elan edildikdə, bu, Rusiya, "Cənubi Osetiya" və "Abxaziya"nın çoxillik səylərini faktiki olaraq puça çıxarır, həmçinin ölkələrimizin diplomatları arasında təmasların aparıldığı yeganə beynəlxalq platformanın əhəmiyyətini azaldır”, - deyə Qaloqyev bildirib.
O vurğulayıb ki, eyni zamanda "Cənubi Osetiya" və "Abxaziya" Rusiya ilə birlikdə 17 ildir ki, Cenevrə müzakirələri də daxil olmaqla, gücdən istifadə etməməyə dair birgə bəyanat layihəsinin müdafiəsini ardıcıl olaraq davam etdirir. Prezidentin sözlərinə görə, belə bir sazişin imzalanması gərginliyin daha da azaldılması və ölkələr arasında etimadın möhkəmləndirilməsi üçün başlanğıc nöqtəsi ola bilər. “Lakin gürcü tərəfi bu aşkar ehtiyacı dərk etməkdən yayınmağa davam edir. Eyni zamanda, onun mövqeyi Qərb tərəfdaşları tərəfindən tam dəstəklənir və bu, Tbilisiyə ildən-ilə əsas sənədin müzakirəsini əngəlləməyə imkan verir, onsuz irəliləyiş mümkün deyil”, - deyə Qaqloyev əlavə edib.
Xatırladaq ki, 2008-ci ilin avqustunda gürcü qoşunlarının Sxinvalini nəzarət altına almağa cəhd etməsindən sonra silahlı gürcü-Cənubi Osetiya münaqişəsi baş verdi.
Avqustun 8-də Rusiya "vətəndaşlarını, eləcə də bölgədəki sülhməramlılarını qorumaq" üçün qoşun yeritdi, nəticədə gürcü qoşunları geri çəkildi. 2008-ci il avqustun 26-da Rusiya "Cənubi Osetiya" və "Abxaziya"nın müstəqilliyini tanıdı.
2008-ci ildən Cenevrədə "Abxaziya", Gürcüstan, Rusiya, ABŞ və "Cənubi Osetiya"nın iştirakı, BMT, Aİ və ATƏT-in xüsusi nümayəndələrinin vasitəçiliyi ilə Transqafqazda təhlükəsizlik və sabitliyə dair beynəlxalq müzakirələr keçirilir. İş ənənəvi olaraq iki işçi qrupda - təhlükəsizlik və humanitar məsələlər üzrə aparılır. Cenevrə müzakirələri Suxumi, Tbilisi və Sxinvali arasında yeganə dialoq platforması olaraq qalır.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
