Estoniyada Rusiya ilə sərhədə yaxın ərazidə sərhəd müdafiə qurğularının genişmiqyaslı tikintisinə başlanılıb.
Hafta.az xəbər verir ki, bu barədə ERR televiziya və radio yayımı məlumat yayıb.
Bildirilir ki, 2027-ci ilin sonuna qədər sərhəd yaxınlığında tank əleyhinə 40 kilometrdən çox xəndək, eləcə də 600-ə yaxın bunker hazır olmalıdır. Sərhəd hasarının və tank əleyhinə xəndəklərin yaxınlığında “əjdaha dişləri” və kəsici məftillər də quraşdırılacaq. Narva çayı və Çud (Peipus) gölü şərqdə və şimal-şərqdə təbii maneələr olduğu üçün Baltikyanı müdafiə zonasının bir hissəsi kimi tank əleyhinə xəndəklər əsasən cənub-şərq sərhədi yaxınlığında qazılacaq.
Sərhəd müdafiə zonasının təxminən 100 kilometr uzunluğunda və 40 kilometr enində yaradılması planlaşdırılır.
