Qusar rayonunda iki avtomobilin toqquşması və nəticədə bir nəfərin ölümü, üç nəfərin yaralanması ilə nəticələnən qəzanın təfərrüatları məlum olub.
Avtosfer.az xəbər verir ki, Qusar-Xudat avtomobil yolunun Çingiz Qurbanov küçəsindən keçən hissəsində qəza törədən “Chevrolet Cruze” markalı minik avtomobilinin həmin gün gəlin maşını kimi toyda iştirak etməsi və gəlini aparıb evə qoyduqdasn sonra qəza törətməsi məlum olub.
Belə ki, Qusar şəhər sakini 2002-ci il təvəllüdlü İlham S. həmin gün saat 18:00-da toyu tərk edib və gəlini evə aparıb qoyandan sonra Balaqusar qəsəbəsi istiqamətində hərəkət edib. Lakin yol yağışlı olduğundan və avtomobil sürətlə hərəkət etdiyindən “Cehvrolet Cruze” “VAZ-2107” markalı avtomobill toqquşub. Nəicədə “VAZ"ın sürücüsü, Həzrə kənd sakini 1986-cı il təvəllüdlü Amik Arkadi oğlu Ramazanov aldığı xəsarətlərdən ölüb.
Hadisə zamanı Qusar rayon sakinləri – 2001-ci il təvəllüdlü Savziyev Fərrux Kamran oğlu, 1989-cu il təvəllüdlü Şəkərxanov Orxan Əjdər oğlu və 1999-cu il təvəllüdlü Hasəliyev Amik Nazim oğlu isə müxtəlif dərəcəli bədən xəsarətləri ilə xəstəxanaya aparılıblar.
Qusar Rayon Məhkəməsinin 9 sentyabr 2025-ci il tarixli hökmü ilə İlham S. -va 3 il azadlıqdan məhrumetmə, əlavə olaraq 1 il 6 ay sürücülük hüququnun məhdudlaşdırılması cəzası verilib.(News24.az)
