İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən hərracda 55 nəqliyyat vasitəsi satılıb.
SİA yerli mənbələrə istinadən xəbər verir ki, nəqliyyat vasitələrinə sifarişlərin çox olması hərracı rəqabətli edib.
Start qiyməti 18 min manat olan “Land Rover Defender” markalı avtomobil 32 min manata, 24 min 250 manat olan lot üzrə avtomobillər isə 35 min manata satılıb.
Cari ay ərzində növbəti hərraclar sentyabrın 23-də və 30-da keçiriləcək.
