İspaniyanın Baş naziri Pedro Sançes qalmaqallı mövqeyi ilə diqqət mərkəzinə düşüb.
Fanat.Az xəbər verir ki, o, İsrail DÇ-2026-ya qatılarsa, İspaniya yığmasının turnirdən geri çəkilməli olduğunu bəyan edib.
Bu barədə məlumatı "UHN Plus" yayıb.
Sançesin bu mövqeyi ölkə ictimaiyyətində böyük müzakirələr doğurub. Bəzi mənbələr bunu siyasi mesaj kimi qiymətləndirir, digərləri isə idmanın siyasətlə qarışdırılmasının doğru olmadığını bildirir.
Hazırda İspaniya Futbol Federasiyası baş nazirin fikrinə münasibət bildirməyib. Bu qərar gerçəkləşəcəyi təqdirdə, “qırmızı furiya”nın mundialda iştirakı sual altında qalacaq.
Kamil Xudiyev
