"Liverpul"un ulduz vingeri Məhəmməd Salah UEFA Çempionlar Liqasında vurduğu qolların sayına görə Zlatan İbrahimoviçlə Andrey Şevçenkoya çatıb.
Fanat.Az xəbər verir ki, misirli oyunçu Çempionlar Liqasının ilk turunda "Atletiko Madrid"lə matçda (3:2) qol vurub.
"Opta"nın hesablamasına görə, bu, onun ən nüfuzlu klub yarışında 48-ci qolu olub. Şevçenko və İbrahimoviçin qol sayı da eynidir. Ancaq buna nail olmaq üçün Salaha 89 matç lazım olub ki, bu da hər iki oyunçudan yaxşıdır. Şevçenko Çempionlar Liqasında 100, İbrahimoviç isə 124 oyun keçirib. "Üçlük" qol siyahısında 12 və 14-cü yerləri bölüşürlər.
Çempionlar Liqası tarixinin ən çox qol vuran futbolçuları:
Kriştianu Ronaldu – 140 qol (183 oyun)
Lionel Messi – 129 (163)
Robert Levandovski – 105 (133)
Kərim Benzema – 90 (152)
Raul – 71 (142)
...
12-14. Məhəmməd Salah – 48 (89)
12-14. Andrey Şevçenko – 48 (100)
12-14. Zlatan İbrahimoviç – 48 (124)
Mirağa
