PURL proqramı çərçivəsində ABŞ-dan hərbi yardımın ilk paketlərində Ukrayna "Patriot" və HIMARS sistemləri üçün raketlər alacaq.
Bu barədə Ukrayna prezidenti Vladimir Zelenski Kiyevdə Avropa Parlamentinin sədri Roberta Metsola ilə keçirdiyi brifinqdə bildirib.
Prezidentin sözlərinə görə, Ukrayna PURL proqramı çərçivəsində tərəfdaşlarından 2 milyard dollardan çox vəsait alıb.
"Oktyabrda əlavə maliyyə alırıq; düşünürəm ki, bu, 3,5-3,6 milyard civarında olacaq. İlk iki paketin hər biri 500 milyondur... Bu paketlərə, bütün təfərrüatlara varmayacağam, mütləq "Patriot" və "Himars" raketləri daxil olacaq", - Zelenski bildirib.
PURL proqramı Ukraynaya silah tədarükünü sürətləndirməyə yönəlmiş yeni ABŞ-NATO təşəbbüsüdür. Bu proqram çərçivəsində Ukrayna NATO ilə paylaşılan prioritet silah ehtiyaclarının siyahısını tərtib edir. Tərəfdaş ölkələr daha sonra bu siyahıya cavab verən Amerika silahlarının alınmasını maliyyələşdirir.
Oxuməni.az
