Müəllif: Tamara Mustafayeva, Banco.az
Bessentin şəxsi katibi Daniel Katz BVF-in sədr müavini vəzifəsinə namizəd göstərilib.
Banco.azxəbər verir ki, BVF-dən verilən açıqlamada Georgievanın 6 oktyabrdan etibarən qüvvəyə minmək şərti ilə Katzın birinci sədr müavini vəzifəsinə təyin olunmasını təklif etdiyi bildirilib.
Həmin təyinatın BVF İcraçı Direktorlar Şurasının təsdiqinə bağlı olduğu qeyd olunan açıqlamada Katzın hazırda ABŞ maliyyə naziri Skott Bessentin xüsusi katibi olaraq fəaliyyət göstərdiyi vurğulanıb.
Açıqlamada Katzın ABŞ maliyyə naziri Bessentə müxtəlif daxili və xarici məsələlərdə məsləhət verdiyi, ABŞ hökumətinin Ukrayna ilə inkişaf etdirdiyi innovativ iqtisadi tərəfdaşlığın formalaşdırılmasında mühüm rol oynadığı və xüsusilə Çin olmaqla beynəlxalq danışıqlarda mərkəzi mövqedə olduğu bildirilib.
Katzın təyinatı təsdiqlənəcəyi halda, o, avqust sonunda Harvard Universitetinə qayıdan Gita Qopinatın yerini tutacaq.
Bizi sosial şəbəkələrdən izləyin!!
