Türkiyənin "Qalatasaray" klubunun ulduz yarımmüdafiəçisi İlkay Gündoğan Almaniyanın "Ayntraxt Frankfurt" klubu ilə səfər matçı barədə təəssüratlarını bölüşüb.
Fanat.Az xəbər verir ki, UEFA-nın rəsmi saytı türk əsilli almaniyalı futbolçunun fikirlərini belə təqdim edib: "Rəqibin ilk qolu oyunda dönüş nöqtəsi oldu. Bundan sonra meydanda demək olar şansımız olmadı. Növbəti matçda daha yaxşı oynamalıyıq. Birlikdə olub bir-birimizə dəstək olmalıyıq. Komandamıza inanıram".
Qeyd edək ki, İstanbul klubu UEFA Çempionlar Liqasının Liqa mərhələsində Almaniya təmsilçisinə 1:5 hesabı ilə uduzub. Türkiyə nəhəngi Çempionlar Liqasında növbəti oyununu evdə İngiltərə təmsilçisi "Liverpul"a qarşı keçirəcək.
Mirağa
