Müəllif: Gülnar Əhmədli, Banco.az
Azərbaycanda işsiz statuslu şəxslərin sayı cari ilin sentyabrın 1-i vəziyyətinə görə, 280.5 min nəfərə bərabər olub.
Banco.az bu barədə Dövlət Statistika Komitəsinə istinadən xəbər verir.
Hesabat dövründə iqtisadi fəal əhalinin sayı 5365,3 min nəfər olmuş, onlardan 5084,8 min nəfərini məşğul əhali təşkil edib.
Cari il avqustun 1-i vəziyyətinə muzdla çalışan işçilərin sayı 1768,4 min nəfər, o cümlədən iqtisadiyyatın dövlət sektorunda 858,1 min nəfər, qeyri-dövlət sektorunda isə 910,3 min nəfər təşkil edib. İqtisadiyyatın neft-qaz sektorunda 31,2 min nəfər, qeyri neft-qaz sektorunda isə 1737,2 min nəfər çalışıb.
Bizi sosial şəbəkələrdən izləyin!!
