Türkiyənin Afyonqarahisar şəhərində 100 aşpaz 25 kvadratmetrlik nəhəng tavada 2 ton sucuqlu yumurta bişirərək Ginnesin Rekordlar Kitabına düşüb.
Rekord üçün hazırlanan yeməkdə Afyonun coğrafi işarə ilə qorunan ləzzəti olan 1 ton sucuq və 15 min yumurta istifadə olunub. Yeməyin bişirilməsi prosesi təxminən 1 saat 15 dəqiqə çəkib. Bu nəhəng ləzzətin hazırlanmasında ümumilikdə 100 aşpaz iştirak edib.
Ginnes Dünya Rekordlarının Türkiyə hakimi ölçmələrdən sonra rekordun rəsmi olaraq qeydə alındığını açıqlayıb. Proses memar və qida mühəndisinin nəzarəti altında aparılıb.
Festivalın finalında isə ərazini dolduran ziyarətçilərə nəhəng sucuq yumurtası ikram olunaraq unudulmaz ləzzət ziyafəti yaşadılıb.
.jpg)
