"Rusiyaya qazanc məqsədilə gələn əcnəbilər öz ailələrini yanlarında gətirməməlidirlər".
Bakıvaxtı.az bildirir ki, bu barədə Rusiya Dövlət Dumasının sədri Vyaçeslav Volodin "Telegram" kanalında yazıb.
Volodin qeyd edib ki, Dövlət Dumasında qeyri-qanuni miqrasiya ilə mübarizə ilə bağlı məsələlər artıq müzakirə olunub. Həmin vaxt bir sıra konkret təkliflər səsləndirilib.
"Əgər biz əmək miqrasiyasından danışırıqsa, insanlar ölkəyə işləmək üçün gəlirlər, işlədilər - getdilər. Ailələrin, uşaqların bununla nə əlaqəsi var? Orada artıq başqa tələblər var", - deyə Volodin bildirib.
