"Chandra X-ray" kosmik teleskopundan istifadə edərək astronomlar Böyük Partlayışdan 920 milyon il sonra mövcud olan RACS J0320-35 adlı qədim, nəhəng qara dəliyi tədqiq ediblər.
Tədqiqatən nəticələri "The Astrophysical Journal Letters" jurnalında dərc edilib.
Məlum olub ki, hətta kosmik tarixin bu ilk mərhələsində qara dəliyin kütləsi Günəşdən təxminən 1 milyard dəfə böyük olub. Amma ən əsası bu qara dəlik çox sürətlə böyüyüb.
Alimlər hesab edirlər ki, qara dəlik Eddinqton nəzəriyyəsindəki mümkün limitdən 2.4 dəfə çox maddə istehlak edib.
Bu kəşf kainatın erkən dövrlərindəki bəzi qara dəliklərin necə bu qədər böyük olması və sürətlə böyüyə bilməsinin sirrini açıb. /Oxu.az/
