"Azərbaycanda qeyri-iş günlərinin sayı kifayət qədər çoxdur".
Bu sözləri Bakıvaxtı.az-a açıqlamasında Milli Məclisin deputatı Fazil Mustafa deyib.
Onun sözlərinə görə, bayramların hər birinin mənəvi əhəmiyyəti var və hamsını qeyri-iş günü hesab etmək həmin bayramın böyüklüyünü-kiçikliyi göstərmir.
Deputata görə, bəzi bayramların qeyri-iş günü olması məsələsinə yenidən baxıla bilər:
“Biz bunları azaltmalıyıq. Çünki bizim indiki şərtlərdə hədsiz qeyri-iş günü məsələsinin çoxluğu müəyyən problemlər yaradır. Novruz bayramında, Qurban bayramında, digər dini və milli bayramlarda bu problemlər ortaya çıxa bilir”.
Fazil Mustafa: Bəzi bayramların qeyri-iş günü olması məsələsinə yenidən baxıla bilər
F.Mustafa qeyd edib ki, bu məsələlərdə rasional fəaliyyəti məhdudlaşdıran addımlardan uzaqlaşmaq lazımdır.
“Bəzi bayramlarda qeyri-iş günlərinin müddətlərinə ən azı qısaldılması aspektindən baxmalıyıq. Çünki bu zaman özəl sektora böyük zərbə dəyir. Xüsusilə də müəyyən fasilələr çox olduqda bu, iqtisadi əməliyyatlarda öz mənfi təsirini göstərir”, - deyə Fazil Mustafa vurğulayıb.
Mina Mikayılova
