Mütəxəssislər xəbərdarlıq edir ki, boğucu asqırma ciddi sağlamlıq problemlərinə, o cümlədən, qulaq pərdəsinin yırtılmasına, döş qəfəsində sıxılma və boğazın zədələnməsinə səbəb ola bilər.
Manset.az-ın xarici mediaya istinadən əldə etdiyi məlumata görə, bu yaxınlarda baş verən bir hadisədə, 34 yaşlı kişi asqırağını tutmağa çalışarkən boğaz toxumasını cırıb.Tibbi ədəbiyyata da daxil olan hadisədə xəstə boğazda şişkinlik, udqunmada ağrı və səs dəyişikliyi şikayətləri ilə xəstəxanaya müraciət edib.
Həkimlər müəyyən ediblər ki, asqırmağı boğmaq üçün burnunu və ağzını möhkəm bağlayan xəstənin boğaz toxuması yarılıb.
Asqırmağın yatırılması və burun və ağzın örtülməsi bu asqırmanın yaratdığı yüksək təzyiqin qulaqlara, boğaza və sinuslara geri qayıtmasına səbəb olur. Bu, qulaq pərdəsinin yırtılması, sinədə sıxılma hissi, qan damarlarının yırtılması, sinus infeksiyası riskinin artması və boğaz toxumasının zədələnməsi kimi risklər yaradır.
Həkimlər asqırmağı basdırmaq əvəzinə düzgün üsullarla idarə etməyi tövsiyə edir:
Mümkünsə, salfetin içinə asqırın, sonra salfeti atın və əllərinizi yuyun.
