Çexiya Aİ-nin anti-Rusiya gündəmi fonunda itkilərin qarşısını almaq üçün Rusiya turistlərinin səfərlərinin məqsədini turizm əvəzinə “ziyarət” kimi ört-basdır etməyə başlayıb.
“İki sahil” xəbər verir ki, bu barədə SHOT Telegram kanalı məlumat yayıb.
“Rusiyalı turistlərin qadağasına görə Çexiya 2022-ci ildən bəri 200 milyon avro itirib”, - deyə, məlumatda qeyd edilir.
Telegram kanalının məlumatına görə, viza almaq üçün etibarlı on illik pasportla Çexiya konsulluğuna müraciət etməlisiniz, onlar viza mərkəzini tövsiyə edəcəklər.
Sənədləri təqdim edərkən səfərinizin məqsədi kimi “turizm”i qeyd etməmək vacibdir.
Yaranan vizada "Turist" qeydinin əvəzinə "ziyarət" mənasını verən və turist vizası ilə eyni qüvvəyə malik olan "Návštěva" yazılacaq.
