İranın vitse-prezidenti və Atom Enerjisi Təşkilatının rəhbəri Məhəmməd Eslami bildirib ki, Tehran və Moskva İranda yeni nüvə enerji bloklarının tikintisinə dair saziş imzalamağa hazırlaşır.
Turkustan.az xəbər verir ki, IRNA agentliyinə açıqlamasında Eslami deyib:
“Atom elektrik stansiyasının tikinti sahələrini ziyarət etdik, müqavilə danışıqları apardıq. Saziş bu həftə imzalandıqdan sonra layihə dərhal layihələndirmə, mühəndislik və digər texniki mərhələlərə keçəcək.”
Eslami əlavə edib ki, hazırda qüvvədə olan razılaşmaya əsasən, Rusiya İranda səkkiz nüvə enerji bloku tikir, onlardan dördü Buşəhr şəhərində yerləşir.
O, Moskvaya səfəri çərçivəsində Rusiya rəsmiləri, eləcə də Rosatom və Kurçatov İnstitutu nümayəndələri ilə danışıqlar aparacağını da qeyd edib.
Aytən Yaşar/ Turkustan.az
