Polşa hakimiyyəti Belarusla sərhədi açmaq qərarına gəlib.
News365.az xəbər verir ki, bunu Polşanın Baş naziri Donald Tusk bildirib.
"Daxili işlər naziri, administrasiya və mən Belarusla sərhəd-keçid məntəqələrini yenidən açmaq qərarına gəldik. O, qərarı bu gün imzalayacaq", - Polşanın baş naziri deyib.
Tusk əlavə edib ki, ölkələr arasında sərhəd sentyabrın 25-inə keçən gecə yarısı açılacaq.
Qeyd edək ki, Polşa hakimiyyəti sentyabrın 12-də Belarusla sərhədi bağlayıb. Brest keçid məntəqəsində metal hasar və tikanlı məftillər quraşdırılıb. Varşava da sərhədə on minlərlə hərbçi yerləşdirib.
Polşa bu addımları Rusiya və Belarusun birgə keçirdiyi "Zapad-2025" hərbi təlimləri ilə əlaqələndirib.
