Gədəbəy rayonunda mikroavtobus qəzaya uğrayıb.
Oxu.Az-ın məlumatına görə, hadisə Şəmkir-Gədəbəy avtomobili yolunun Gədəbəy rayon ərazisindən keçən hissəsində baş verib.
Həmin yolda hərəkətdə olan sərnişin daşıyan “Mercedes” markalı mikroavtobus qarşıdan gələn VAZ-2106 markalı minik avtomobili ilə toqquşub.
Hadisə nəticəsində mikroavtobus aşıb. Qəza zamanı 9 nəfərin müxtəlif dərəcəli bədən xəsarətləri ilə xəstəxanaya yerləşdirildiyi bildirilir.
Faktla bağlı araşdırma aparılır.
