Xəbər verdiyimiz kimi, gömrükdən yayınma ittihamı ilə (50 milyon dollar) haqqında Rusiya cinayət işi açılan Qarabağ separatçılarının “xüsusi nümayəndəsi”, Sankt-Peterburqun Kronştadt Rayon Məhkəməsi “Rosreyestr” və “Rosimuşestvo” regional idarələrinin keçmiş əməkdaşı Boris Avaqyan Kronştaдt Məhkəməsinin binasından qaçdıqdan sonra Sankt-Peterburqdakı Ermənistan konsulluğuna sığınıb.
Bizim.Media Telegram kanallarına istinadən xəbər verir ki, o, konsulluqda intihar edib.
Belə ki, Avaqyan konsulluğun tualetində gizlənib və çıxmayıb. Hadisə yerinə təcili yardım və Fövqəladə Hallar Nazirliyinin əməkdaşları çağırılıb. Tualet açıldıqda orada Avaqyanın meyiti aşkar edilib. Hadisə ilə bağlı istintaq aparılır.
Məlumatlar Rusiyanın rəsmi KİV-ləri tərəfindən təsdiqlənib.
Xatırladaq ki, Avaqyan və daha bir neçə nəfərə qarşı cinayət işi 2024-cü ilin aprelindən məhkəmədədir. Ümumilikdə 21 nəfər təqsirləndirilir.
Yeri gəlmişkən, Avaqyan Ermənistanda qondarma “Dağlıq Qarabağ prezidentinin xüsusi nümayəndəsi” və “Qarabağ Daxili İşlər Nazirliyinin Fövqəladə Hallar üzrə Dövlət Xidmətinin direktor müavini” vəzifələrində çalışıb.
Sonuncu vəzifədə o, 2021-ci ilin aprelinə qədər işləyib.
Qeyd edək ki, 22 avqustda Avaqyan Rusiya Müdafiə Nazirliyi ilə «Xüsusi Hərbi Əməliyyat»da (СВО) iştirak etmək üçün müqavilə bağlayıb. Onunla bağlı cinayət işi yenidən açılıb, çünki o, müqavilənin şərtlərini yerinə yetirməyib.
Bizim.Media
