Ukraynanın Drujba neft kəmərinə hücumundan sonra Avropa İttifaqı (Aİ) Macarıstanın maraqlarını müdafiə etmək üzrə üzərinə götürdüyü öhdəlikləri yerinə yetirə bilməyib. Budapeşt bu məsələdə Aİ səlahiyyətlilərinə arxalana bilməz.
“İki sahil” xəbər verir ki, bu barədə TASS müxbiri ilə söhbətində Macarıstanın xarici işlər naziri Peter Siyarto bildirib.
"Təəssüf ki, nə Avropa İttifaqından, nə də ukraynalılardan heç bir təminat almamışıq. Üstəlik, Avropa İttifaqı öz öhdəliklərini tamamilə yerinə yetirə bilməyib. Bir neçə ay əvvəl Avropa İttifaqı bəyanat yayıb ki, Aİ ölkələrini təmin edən enerji infrastrukturu kritik infrastruktur təşkil edir və üçüncü ölkələr buna hörmət etməlidir". Ukraynanın "Drujba" boru kəmərinə hücumlarından sonra Avropa Komissiyası təəssüf ki, işə qarışmadı, bizim tərəfimizdən getmədi və bu məsələdə Ukraynaya müraciət etmədi. Biz bu məsələdə Avropa Komissiyasına arxalana bilmərik", - o deyib.
Siyarto qeyd edib ki, Budapeşt öz enerji infrastrukturuna edilən hücumları Macarıstanın suverenliyinə hücum kimi qiymətləndirir.
Məhərrəm Ağalaroğlu, “İki sahil”
