“Aston Villa”nın baş məşqçisi Unai Emeri Premyer Liqanın növbəti turunda evdə “Fulhem”lə keçiriləcək oyun öncəsi komandanın vəziyyəti barədə danışıb.
90deqiqe.Az-ın məlumatına görə, təcrübəli çalışdırcı bu barədə klubun rəsmi saytına açıqlamasında bildirib.
“Görəcəyik, dünən oynayan futbolçular özlərini necə hiss edirlər. Bəzi oyunçular dünən yox idi, xüsusilə Emiliano Martines. Onun kiçik zədəsi var. Ümid edirəm ki, bazar günü hazır olacaq. Tilyemans, Onana və Barkli isə oynaya bilməyəcək"
Qeyd edək ki, “Aston Villa” cümə axşamı evdə “Bolonya”nı 1:0 hesabı ilə məğlub edib (Avropa Liqasının qrup mərhələsi). “Aston Villa” və “Fulhem” arasında Premyer Liqa görüşü sentyabrın 28-də, Bakı vaxtı ilə saat 17:00-da başlayacaq.
