Zaporojyedə döyüşlər zamanı yanmış tankın altında iki ay gizlənərək sağ qala bilmiş iki rus əsgəri xarici KİV-in gündəmindən düşmür.
Publika.az xəbər verir ki, Aif.ru saytına müsahibə verən əməkdar hərbi pilot, general-mayor Vladimir Popov deyib ki, bu cür hadisələr yalnız əsgərin cəsarəti və təslim olmaq istəməməyi sayəsində mümkün olur.
General qeyd edib ki, əsgərlər “boz zona” adlanan ərazidə olublar və hər iki tərəfdən atəşə məruz qalan bir arzuolunmaz məkanda tapılıblar: "Buna baxmayaraq, əsgərlər tankın altından düşməni müşahidə də ediblər. Onlar düşmən haqqında məlumat verərək ümumi işə töhfə verə biliblər".
