Çempionlar Liqasının Liqa mərhələsində "Qarabağ"ın rəqiblərindən olan "Atletik"in turnir üçün heyətində dəyişiklik edilib.
Sportinfo.az xəbər verir ki, yarımmüdafiəçi Beñat Prados heyətdən kənarlaşdırılıb.
Buna səbəb 24 yaşlı futbolçunun uzunmüddətli zədə almasıdır.
Bilbao təmsilçisi Pradosun əvəzinə "Əl-Nəsr"dən transfer edilən Aymerik Laportun adını iştirak ərizəsinə daxil edib.
"Qarabağ"ın "Atletik"lə oyunu 22 oktyabr tarixində İspaniyada baş tutacaq.
