Məlumatlara görə, efirdə İran nümayəndə heyəti ilə görüşən digər qadınların da bədən hissələri eyni qaydada gizlədilib.
Hadisə Finlandiyada geniş rezonans doğurub. Elina Valtonen sosial şəbəkələrdə yayılan reaksiyalara münasibət bildirərək, bunun İranda qadınların statusunun acı göstəricisi olduğunu vurğulayıb:
"Geyimimi kiminlə görüşməyimdən asılı olaraq dəyişmirəm. Mən saçımı və ya üzümü örtməyi tələb edən görüşlərə də qatılmıram," - deyə o, Helsingin Sanomat-a açıqlamasında bildirib.
Məsələyə Finlandiyanın daxili işlər naziri, "Həqiqi finnlər" partiyasının lideri Riikka Purra da münasibət bildirib:
"Elina Valtonen haqlıdır. Finlandiya qadın naziri öz prinsiplərini pozmamalıdır. Əgər haradasa qadından başını və ya üzünü örtmək tələb olunursa, ora ümumiyyətlə getməyə ehtiyac yoxdur."
Hadisə həm siyasətçilər, həm də sosial şəbəkə istifadəçiləri tərəfindən Valtonenə dəstək mesajları ilə qarşılanıb.
